رؤيا
ما بعرف ليش مؤسسة الاتصالات حاجبه البلوغ سبوت...يمكن لأنو زايدين العالم اللي عم يعملوا بلوغات...و عم يلتهوا عن مجلات الحائط الشهيرة....على فكرة مجلة الحائط إحدى أهم النشاطات الثقافية بكل مؤسسة حكومية...من المدرسة لمؤسسة المياه ...للمؤسسة العامة لصناعة الكبريت -الفرس
فليش هالبلادة ..كل واحد قاعد يعمل بلوغ...في عندو مساحة حرة بمجلة الحائط يستغلها
بتذكر تمام مجلات الحائط اللي عملناها بالمدرسة...بتذكر شو كنا نكتب فيها عن الصداقة و أهمية النضافة و حكم و هل تعلم و أشياء بتشبه الحائط اللي رح نعلق عليه هالمجلة...بس اللي بتذكره أكترهو مجلة رؤيا اللي عملتها أنا و تنين من الناس...بتذكرها منيح ...هي كانت مجلة حقيقية بغلاف و أوراق ملونة...طلع منها عدد واحد...كانت محاولة مني و من أعز رفيقين يزن و زيد ....كتبنا فيها عن المدرسة و عن الأساتذة...عن الأسئلة...عن الطلاب ...فترتها كنا حاسين أنو نحنا أحسن من كل هالخلق اللي حوالينا....كنا حاسين....بس لسا ما كنا تأكدنا....ضلت نسخة من هالمجلة معنا ...ولما كنا نرجعلها كنا نضحك ...نضحك كتير...أخر مرة شفتها كانت قبل ما يسافر يزن بفترة...وقتها أول مرة كنت برجعلها و ببكي
1 Comments:
lessa mnerja3 3layya w mned7ak w mnebky, bas, el2aham enno ne3mol shi jdeed, aham...
خليني ذكرك بهدول الناس اللي عملوها
يصف الشاعر الفحل ناقة وهي تلد..
متراكل بالشنصلون تجوقلت - شماكتاه فخر كالخربعصل
ومتعافص بالغيلطوز الشلفن - صل حتى تخردل البعبل
وتشنكح القنفاز في حشكة - طغت على جبصلان البعصل
ضحكتني وبكيتني... بتمنى ارجع هداك الولد اللي ما كتير متأكد من اشيا.. بس للحظة وحدة.. جاب عبالي اتذكر كيف كان شعورو... كيف كان شعور الرجعة لاخر مقعد...
على كلن نسيت بشار...
و (كتاب الأغاني للاصفهاني) تبع خلدون...
Post a Comment
<< Home